Peqataasussat
Holdi illit peqataaffigisat Nuuk Snow Festimut peqataasussatut nalunaarutigiuk, ilissilu nammineerlusi apummik ilusiliamik tupinnaannartumik pilersitsigitsi, inuillu allat peqatigalugit ataatsimoorlusi pinngorartitseqataagitsi.
Kajumissutsiminnik sulisartut
Kajumissutsinnik suleqataagit Nuuk Snow Festip piugunaatsuuneranut ikiuuteqataagit. Illit iliuuseqarnerit tamat ukiuunerani nalissaqanngitsumik misigisaqarnerannik pilersitseqataassaaq.
Pilersaarut
Pilersaarut pitsassuaq nipilersornermik, aliikkusersorneqarnermik aamma aput atorlugu ilusilianik tupinnaannartut misigisaqarfigikkit.
Ilaqutariinnut festivali nalissaqanngitsoq.
Ukioq manna sammisassaq:
Issittoq allanngoriartortoq
Issittoq pissutsit allanngoriartortut maani maligisinnaavagut.
Siku kingusinnerusukkut takkuttalerpoq. Sila qanoq-inniarnersoq eqqoriaruminaallivoq. Uumasut allamut nikinngikkunik tammagarput. Piniarnitsinnut, aalisarnitsinnut qanorlu inuunitsinnut sunniuteqarpoq.
Tulluussarsinnaaneq sungiusimavarput – taamaaliortuaannarnikuuvugut. Maannakkullu allanngoriartupiloortoqarpoq. Sungiusimasagut ilaat tammariartorput. Eqqumiitsuliorneq aqqutigalugu qanoq misigineripput takutinniarsaraarput. Allannguutit takusinnaasagut aammalu suli pigiinnakkavut.
Issittoq angerlarsimaffigaarput. Pingaarutilimmillu oqaluttuassaqarpugut.
Peqataasunut
Holdi illit peqataaffigisat Nuuk Snow Festimut ilaanissaa akeqanngitsumik nalunaarutigiuk ulloq decembarip aallaqqaataat aallarnerfigalugu, taavalu apummik ilusilianik tupinnaannartunik pilersitseqataallutit.
Holdit amerlanerpaamik arfineq-pingasunik inuttaqarput, kisianni inuit taamaallaat sisamakkaarlutik ilusilersuinermik suliaqarsinnaapput.
Apummik ilusilersuinermik misilittagaqareerussi nutaajugussiluunniit, festivali ilissi pinngorartitsisinnaanissi misilerarnissaanut periarfissatsialaavoq, taamatuttaat allat peqatigalugit ukiuunerani oqaluttuassamik immikkuullarilluinnartumik peqataassaasi.
Holdit apummik issoqqaarisumik 3x3x3 meterimik angitigisumik tunineqassapput, kiisalu sakkussanik tummeqqanillu.
Saniatigut akeqanngitsumik ulloqeqqasiuteqassaaq, kaffe/tii kaagillu.
Malittarisassat pdf-inngorlugit uani aaneqassapput.
Peqataanissamut nalunaarfissaq matuvoq
Kajumissutsiminnik suliaqartunut
Apummik ilusilersuilluni festivaleqartitsinermi nammineq kajumissutsinnik suleqataasutut aaqqissuussinermi immikkut illuinnartumik peqataanissannut periarfissinneqassaatit.
Nuuk Snow Fest kikkunnut tamanut puigunaatsunngoqqullugu illit allallu kajumissutsiminnik suleqataarusuttut pinngitsoorsinnaanngilagut. Misigisassamik nuannerluinnartumik pilersitsinissatsinnut ikiortigut.
Ilusilersuineq aallartitsinnagu ikiortissanik pisariaqartitsivugut, Ilusilersuiffimmi uunnassarfimmilu, tassani ulloqeqqasiutissat, kaffe/tii kaagillu sassaalliutigineqarumaarput.
Nakkutilliineq akunnerini pingasuni sivisussuseqarpoq akeqanngitsumillu ulloqeqqasiutissat, kaffi/tii kaagillu pineqarsinnaapput.
Nammineq kajumissutsinnik suleqataaniarlutit nalunaarit - tusarfiginissat qilanaaraarput!
Pilersaarut
Torsdag 5. marts
| 09:00 | Apummik ilusilersugassanik makitsinikkut agguaaneq |
| 09:30 - 21:00 | Ilusilersuisut sulinerat |
| 16:00 | Borgmesterip ammaanersiorluni oqalugiarnera |
| 16:30 | Ikaarsaarneq |
| 17:30 | Ikaarsaarneq |
Fredag 6. marts
| 09:00 - 21:00 | Ilusilersuisut sulinerat |
| 18:00 - 21:00 | Takuuk |
| 19:00 - 21:00 | Silent Disco - DJ Hans Ole |
Lørdag 7. marts
| 09:00 - 21:00 | Ilusilersuisut sulinerat |
| 13:00 - 15:00 | Silent Disco - DJ Leopatra |
| 18:00 - 21:00 | Takuuk |
| 19:00 - 21:00 | Silent Disco - DJ Leopatra |
Søndag 7. marts
| 09:00 - 12:00 | Ilusilersuisut sulinerat |
| 12:00 | Apummik ilusilersuinerup naammassinera |
| 12:00 - 13:45 | Isiginnaariat taasinerat SMS atorlugu |
| 14:30 | Nuuk Snow Festip akissarsitsitsinera |