Nuuk Snow Fest ukiut tamaasa pisarpoq martsimi sisamanngornermiit siullermiit sapaat ilanngullugu ingerlanneqartarluni. Festivali Nuup Saavani oqaluttuassartaqarluartumik avatangiiseqarluni pisarpoq.  

Nuuk Snow Fest apummik ilusilersuinissamik nuannarisaqartunut tamanut ukiut apeqqutaatinnagit apummik ilusilersuinermik unammineruvoq, aamma innuttaasunut tikeraanullu aliikkusersuinermik tusarnaartitsinermillu nuannaffiusarluni nuannarineqaqaluni.  Nuuk Snow Festimi pingaarnertut anguniagaavoq najukkami ataqatigiinnerit patajaallisarnissaat kiisalu Kalaallit Nunaanni piorsarsimassutsikkut kingornutassanut tigussaanngitsunut illersuilluni pingaartitsilluni festivaliulluni.  Kingulleq festivalimi qulequtarineqartut, sammisassat aliikkusersuinerillu atorlugit ilaatigut suliarineqartarpoq.

Nuummi innuttaasut suliniarfigineqarput qassinilluunniit ukiullit ilaqutariit meerartallit immikkut sammineqarlutik.  Festivalimi peqataaneq akeqanngilaq aalakoornartulimmillu atuiffiunani.

Nuuk Snow Festip apuserinikkut illoqarfik tamaat ataatsimoortittarpaa.

Nuuk Snow Festimi anguniagaavoq peqataasut eqimattat 15-it missaanniittut ilaallutik tamarmik apummik kippaarissumik 3x3x3m-imik ilusilersugassaqarlutik. Peqataasut sisamanngornermiit ullaakkut sapaatip ualianut piffissaqarlutik aalajangersimasumik ilusilimmik imaluunniit aalajangersimasuunngitsumik ilusilimmik suliaqassapput, festivalimut aaqqissuisut ukiumut qulequtsiussaat aallaavigalugit qanoq iluseqarnissamik paasinninnertik takutinniartarpaat. Ilusilersukkat 0-mit 5-imut naliliinermit skema atorlugu festivalimik aaqqissuisut toqqagaannik naliliisartunit pingasunit nalilerneqartarput. Peqataasut 1-imut, 2-mut aamma 3-mut ajugaaniuttarput kiisalu Isiginnaariat akissarsiuttagaat aningaasaliisunit pinnatassaqartitsiviusut pinnanneqarsinnaasarlutik. 

Nunanit tamalaanit peqataasoqarsinnaavoq, aaqqissuisulli unamminermut atatillugu peqataasut aningaasartuutaannut tunngasut aningaasatigut tapiissuteqarfigisinnaanngilaat.  Apummik ilusilersuinermi unammeqataanissamut immersuilluni nalunaartarneq siulliunniulluni pisarpoq.

Sisamanngornermi, tallimanngornermi arfininngornermilu unnukkut assigiinngitsunit tusarnaartitsisoqartassaaq maani eqqumiitsuliortut assigiinngitsut peqatigalugit qullernik alutornartumik qulleqartarluni apummik ilusilersukkanut qinngortitsisunik.  Arfininngornermi sapaammilu ullaap tungaani ilaqutariinnut meerartalinnut tusarnaartitsisoqarlunilu aliikkusersuisoqassaaq.

Nuuk Snow Fest pisinnaavoq ukiut tamaasa peqataasartunik aallussilluartunik kajumissutsiminnik ikiuuttartut pissutaallutik.  Snow-ip kajumissutsiminnik suliaqartartut pinngitsoorsinnaanngilai festivalip tamarmik ingerlalluarnissaanik isumaginnittartunik.  Suliassat ilaat tassaasarput peqataasunut atortussanik piareersaaneq, peqataasussanik nalunaarsuineq, init kialaarfiit piareersarlugit kiisalu peqataasut takusaasullu ornissinnaasaat arlaannik ikiortissaqaleraangamik.

Nuup Saava pisortat suliffeqarfiinut namminersortunullu inuussutissarsiortunut sinaakkutaasarpoq.  Festivalimi aaqqissuisut anguniagaraat najukkami inuussutissarsiutillit sapinngisamik pisinnaasaat naapertorlugit peqataatinnissaat.  Assersuutigalugu festivali Nuummi Katersugaasivik suleqatigilluinnartarpaa, ilaatigut init kialaarfiit peqataasunit kajumissutsimminnillu ikiuuttunut atugassiaritittarpaat, eqqumiitsuliortunut aamma meeqqanut aliikkusersuisunut backstage-teqartitsilluni kiisalu katersugaasiviup pisiniarfia festivalip ingerlanerani ammasarluni. 

Festivali kaffinik tiinik il.il. tuniniaanermik isumaginnittanngilaq, najukkamili suliaqartunut peqatigiiffinnullu alakkaasunut aalakoornartortaqanngitsunik imeruersaatinik il.il. tuniniaanissamut suleqatigiinnissamut ammalluni.