Nuummi apummik ilusilersuineq kingullermik  2008-mi ingerlanneqarpoq. Taamanili suliniut taanna arlalinnit ujartorneqartaraluarpoq, kiisamilu tamanna Nuummi ingerlanneqaqqilerpoq! 2019-imi suleqatigiit 30-usut Nuup umiarsualivitoqaani SIKUKI-mi ilusilersorneqassapput. Immikkoortut marluk unammissutigissavaat: tassa ilisarnanngitsut aamma piviusorpalaartut.

Kalaallit ileqqutoqarivaat qiperuilluni ilusilersuineq, ileqqutoqarlu taanna attatiinnarniarlugu tapersersugassaraarput. Mikisunik ilusilersuineq inunnit ikittuinnarnit takuneqartartoq, apummik 3x3x3 meterisut angitigisuni takuneqarsinnaanngortissavaa. Apummik ilusilersuisitsineq ilaqutariinnit Nuummi najugaqartuusunit, nunarsuatsinni titartaasarfissuarnit allanillu siornatigut peqataaffigineqartarsimavoq.

Apummillu ilusilersuisitsineq iluatsilluassappat illit ikiortissatut pisariaqartippatsigit! Kajumissutsimik ikiuuttussatut ullumikkut nalunaarsinnaalereerputit – [email protected] allaffigisinnaavat imaluunniit uani quppernermi attavissatut immersuiffissiaq atorsinnaavat.

Apummik ilusilersuisitsineq 2019 nuannisarfissuanngortinniarlugu peqataanissarsi neriuutigaarput!

Start typing and press Enter to search